މާއުނގޫދޫއިން ވޭތުވެދިޔަ 24 ގަޑިއިރު ތެރޭ އިތުރު 6 މީހުން ޕޮޒިޓިވްވެ ޖުމްލަ އެކްޓިވް ކޭސްގެ އަދަދު 31 އަށް އަރައިފިއެވެ.
މާއުނގޫދޫ ކައުންސިލުން އާންމުކޮށްފައިވާ މައުލޫމާތަށް ބަލާއިރު ޖުމްލަ 35 ގެއެއް ވަނީ މިހާރު ކަރަންޓީން ކުރެވިފައެވެ. ޕޮޒިޓިވް ވެފައިވާ ފަރާތްތަކާއި އެއްތާވުމުގެ ސަބަބުން ޖުމްލަ 33 ފަރާތެއް ވަނީ އެކަހެރި ކުރެވިފައެވެ. މިފަހަރު ކޮވިޑް-19 އަށް ޕޮޒިޓިވްވި ފަރާތްތަކުގެ ތެރޭގައި ގިނައިން ހިމެނެނީ ސުކޫލް ދަރިވަރުންނާއި ކުޑަކުދިން ކަމަށް މައުލޫމާތު ލިބެއެވެ.
މާއުނގޫދޫ ޞިއްޙީމަރުކަޒުން އެންމެ ފަހުން ހާމަކޮށްފައިވާ މަޢުލޫމާތު ތަކުން ހާމަވާގޮތުގައި މިހާތަނަށް އެރަށުން 1323 ސާމްޕަލް ނަގާފައި ވާއިރު އޭގެ ތެރެއިން 1290 ސާމްޕަލް ވަނީ ނެގެޓިވް ވެފައެވެ. އަދި ނަތީޖާ ނުލިބި 55 ސާމްޕަލެއް ވެއެވެ.
ކޮވިޑް 19 ގެ ހާލަތު ގޯސް ވުމުގެ ސަބަބުން ފެމެލީ ޕްލޭނިންގެ ހިދުމަތް ފިޔަވާ މާއުނގޫދޫ ޞިއްޙީމަރުކަޒުގެ ޕަބްލިކް ހެލްތުގެ ހުރިހާ ހިދުމަތްތައް ވަކިގޮތެއް އަންގަންދެން ވަނީ މެދުކަނޑާލާފައެވެ.
Leave a Reply