ޔޫތު މިނިސްޓްރީ އާއި ގުޅިގެން މާއުނގޫދޫ ކައުންސިލުން ތަރައްޤީ ކުރަމުން އަންނަ ފުޓްސަލް ދަނޑުގައި މިއަދު ހަވީރު ޓާފް ފަތުރަން ފަށައިފިއެވެ.
2018 ވަނަ އަހަރު މާއުނގޫދޫ ގައި އެޅި ފުޓްސަލް ދަނޑު އޭރު ހަދާފައިވާ ފެންވަރު ދަށް ވުމުގެ ސަބަބުންނާއި ލައިޓް ސިސްޓަމް ނެތުމާއި ފެންވަރުދަށް ތަކެތިން ހަދާފައިވުމުން ބޭނުން ނުކުރެވޭ ވަރަށް ހަލާކުވެފައި ވުމުގެ ސަބަބުން އަލުން ފުޓްސަލްދަނޑެއް ހެދުމުގެ މަސައްކަތް 06 މާރިޗު 2022 ވަނަ ދުވަހު ކައުންސިލުން ވަނީ އެޝުއަރ ސަޕްލައި އާއި ހަވާލުކޮށްފައެވެ.
މިހާރު ދަނޑުގައި ކުރަމުންދަނީ ދާޖެހުމާއި ޓާފް ފެތުރުގެ މަސައްކަތެވެ. މަޢުލޫމާތު ލިބޭ ގޮތުގައި މިމަސް ނިމުމުގެ ކުރިން ދަނޑުގެ މަސައްކަތް އެއްކޮށް ނިންމާލައި ކައުންސިލާއި ހަވާލު ކުރެވިގެން ދާނެއެވެ.
މިދަނޑު ތަރައްޤީކުރަމުން ދަނީ އޭ ގުރޭޑް ފުޓްސަލް ދަނޑެއްގެ ގޮތުގައެވެ.
ދަނޑު ނިމޭއިރު ކުރިން އޮތް ދަނޑަށްވުރެ ސައިޒުގެ ގޮތުން ބޮޑުވެގެން ދާނެއެވެ. ފުރިހަމައަށް ލެވެލް ކުރެވި ފުރިހަމަ ލައިޓް ސިސްޓަމެއް ވެސް ޤާއިމް ކުރެވިގެން ދާނެއެވެ.
Leave a Reply