2022 ވަނަ އަހަރަށް މާއުނގޫދޫ ކައުންސިލުން ކަނޑައަޅާފައިވާ ބަޖެޓް އެ ކައުންސިލުން މިއަދު ފާސްކޮށްފިއެވެ. އެކަމަށްޓަކައި މިއަދު މެންދުރުފަހު 13:00 ގައި ބޭއްވުނު ކައުންސިލް ބައްދަލުވުމުގައި ބަޖެޓް ފާސް ކޮށްފައިވަނީ 2 މެންބަރުންނާއި ކައުންސިލް ރައީސްގެ ވޯޓާއެކުއެވެ. ބަޖެޓް ފާސް ކުރުމަށް ބޭއްވި ބައްދަލުވުމުގައި ޕީޕީއެމް އަށް ނިސްބަތްވާ ކައުންސިލް ދެ މެންބަރުން ބައިވެރި ވެފައެއް ނުވެއެވެ.
2022 ވަނަ އަހަރަށް މާއުނގޫދޫ ކައުންސިލުން ފާސްކޮށްފައިވަނީ ގާތް ގަނޑަކަށް 9 މިލިޔަން ރުފިޔާގެ ބަޖެޓެކެވެ. ބަޖެޓުގެ ތަފްސީލް ތަށް ޖަނަވަރީ 15 ގެ ކުރިން އާންމުކުރާނެކަމަށް ކައުންސިލުން މައުލޫމާތު ދެއްވައެވެ.
2022 ވަނަ އަހަރު ކައުންސިލުން ކުރުމަށް ރާވާފައިވާ މުހިންމު ކަންކަމަށް ބަލާއިރު
- ރަށްވެހިންގެ ހިޔާއެއް ޤާއިމްކުރުމާއި
- ސޯލާ ކުރުމުގެ ބޮޑު ޕުރޮޖެކްޓެއް ހިންގުމާއި
- ޔޫތު ސެންޓަރެއް ތަރައްޤީކުރުމާއި
- ބޮޑު އައުޓް ޑޯރ ޖިމެއް ތަރައްޤީ ކުރުމާއި
- ކަރުގޮހޮރު އުކުމަށް ޚާއްޞަ ޖެޓީއެެއް އެޅުމާއި
ހުކުރު މިސްކިތުގެ ޖާގަ އިތުރުކުރުން އަދި މިހާރުވެސް ހިނގަމުންދާ ރަށްވެހި ޙިދުމަތްތަކާއި، ނާސަރީ ބޭބީނާސަރީ ގެ ޚިދުމަތާއި އެކި ދާއިރާތަކުން ރަށު ފެންވަރުގައި ހިންގޭ އެކި ހަރަކާތްތަކަށް މާލީ އެހީތެރިކަން ފޯރުކޮށްދިނުމާއި ދާއިމީ ބޮޑެތި ބަލިތަކަށް ފަރުވާކުރާ ފަރާތްތަކަށް ކައުންސިލުން މާލީ އެހީތެރިކަން ފޯރުކޮށްދިނުމަށް ވެސް ބަޖެޓް ކުރެވުފައިވާކަން ފާހަގަކޮށްލެވެއެވެ.
މިއީ މާއުނގޫދޫ ގެ ތާރީޚުގައިވެސް ފާސްކުރެވުނު އެންމެ ބޮޑު ބަޖެޓުކަން ފާހަގަކޮށްލެވެއެވެ. މާއުނގޫދޫ ކައުންސިލު ގައި ހިމެނެނީ އެމް.ޑީ.ޕީގެ 3 މެންބަރުންނާއި ޕީޕީއެމް ގެ 2 މެންބަރުންނެވެ.
Leave a Reply