މާއުނގޫދޫ ސުކޫލްގެ އިންޓަރ ހައުސް ފުޓްސަލް މުބާރާތް މިއަދު ފަށަނީ

މާއުނގޫދޫ ސުކޫލްގެ ދަރިވަރުންގެ މެދުގައި ބާއްވާ އިންޓަރ ހައުސް ފުޓްސަލް މުބާރާތް މިއަދު ހަވީރު ފެށުމަށް ވަނީ ހަމަޖެހިފައެވެ.

މި މުބާރާތުގައި ވާދަކުރާނީ މާއުނގޫދޫ ސުކޫލްގެ 4 ހައުސް ކަމުގައިވާ މިދިލި، މަދޮށި،ކާނި އަދި ފުނަ ހައުސް އެވެ. މި މުބާރާތް ކުރިއަށް ދާނީ މިއަދުންފެށިގެން މިމަހުގެ 22 ވަނަ ދުވަހުގެ ނިޔަލަށް މާއުނގޫދޫ ފުޓްސަލްދަނޑުގައެވެ. މި މުބާރާތުގައި ސީނިއަރ އަދި ޖޫނިޔާ ދެބައިގެ މެޗުތައްވެސް ކުރިއަށް ގެންދާ ކަމަށް މައުލޫމާތު ލިބިފައިވެއެވެ.

ކޮންމެ ދުވަހަކުވެސް ސީނިއަރ އަދި ޖޫނިޔާ ބައިގެ މެޗެއް ކުރިއަށް ގެންދިއުމަށް ވަނީ ހަމަޖެހިފައެވެ. އަދި މެޗުތައް ހެނދުނާއި ހަވީރު ދަންފަޅީގައިވެސް ކުރިއަށް ގެންދިއުމަށް ވަނީ ހަމަޖެހިފައެވެ. އެގޮތުން ހެނދުނުގެ ދަންފަޅީގެ ފުރަތަމަ މެޗު ފެށުމަށް ހަމަޖެހިފައިވަނީ ހެނދުނު 6:15 ގައެވެ. އަދި ދެވަނަ މެޗު ފެށުމަށް ހަމަޖެހިފައިވަނީ 7:15 ގައެވެ. ހަވީރު ދަންފަޅީގެ ފުރަތަމަ މެޗު ފެށުމަށް ހަމަޖެހިފައި ވަނީ 16:15 ގައެވެ. އަދި ދެވަނަ މެޗު ފެށުމަށް ހަމަޖެހިފައި ވަނީ 17:15 ގައެވެ.

މިއަދު ކުޅުމަށް ހަމަޖެހިފައި މެޗުތަކުގައި ބައްދަލު ކުރާނީ ކާނި އަދި މިދިލި ހައުސް ގެ ޓީމްތަކެވެ. އެގޮތުން ފުރަތަމަ މެޗު ގައި ބައްދަލު ކުރާނީ އެދެހައުސްގެ ސީނިއަރ ޓީމްއެވެ. ދެވަނަ މެޗު ގައި ބައްދަލުކުރާނީ އެދެހައުސްގެ ޖޫނިއަރ ޓީމެވެ.