މާއުނގޫދޫ ކައުންސިލްގެ 4 ވަނަ ދައުރުގެ ދެވަނަ ރައްޔިތުންގެ ބައްދަލުވުން ބާއްވާނެ ތާރީޚު އިޢުލާންކޮށްފިއެވެ.
ލާމަރުކަޒީ ގާނޫނުގެ 1-107 ގެ (ރ) ގެ ދަށުން ކައުންސިލުން ބޭއްވުމަށް ލާޒިމްކުރާ ރައްޔިތުންގެ ބައްދަލު ވުމުގެ މިދައުރުގެ ދެވަނަ ބައްދަލުވުން ބޭއްވުމަށް ހަމަޖެހިފައިވަނީ 30 ޑިސެމްބަރ 2021 ވާ ބުރާސްފަތި ދުވަހުގެ ރޭ އެވެ. ދެވަނަ ބައްދަލުވުންވެސް ކުރިއަށް ގެންދިއުމަށް ހަމަޖެހިފައިވަނީ އެރޭ 20:30 ގައި މާއުނގޫދޫ ސުކޫލްގެ ހޯލުގައެވެ. މި ބައްދަލުވުމުގެ ދައުވަތު މާއުނގޫދޫގެ ހުރިހާ ރައްޔިތުންނަށް ދޭ ކަން ކައުންސިލުން ވަނީ ހާމަކޮށް ފައެވެ.
މި ބައްދަލުވުމުގެ އެޖެންޑާގައި ހިމެނިފައިވަނީ ކައުންސިލު ގެ ނިންމުންތަކާއި މިހާރު ކުރިއަށްގެންދާ މަސައްކަތްތަކާއި ގުޅޭ މަޢުލޫމާތު ހިއްޞާކުރުމާއި ކައުންސިލްގެ ފަރާތުން ސަރުކާރުގެ މިނިސްޓްރީތަކާއި ބައްދަލުކުރުމަށް ކުރި ދަތުރުގެ މައުލޫމާތު ހިއްސާކުރުމާއި ރައްޔިތުންގެ ސުވާލުތަކަށް ޖަވާބު ދިނުން ކުރިއަށް ގެންދިއުމަށް ވަނީ ހަޖެހިފައެވެ.
ކައުންސިލްގެ 4 ވަނަ ދައުރުގެ ފުރަތަމަ ބައްދަލުވުން ބާއްވާފައިވަނީ 29 ޖުލައި 2021 ގައެވެ. މިބައްދަލުވުމުގައި 2022 ވަނަ އަހަރުގެ މަސައްކަތު ތާވަލާއި ބަޖެޓް ރައްޔިތުންނަށް ހުށަހަޅައި ރައްޔިތުންގެ ހިޔާލު ހޯދުނެވެ. މީގެއިތުރުން ކުރިއަށް އޮތް 5 އަހަރުދުވަހަށް (2022-2026) އަށް އެކުލަވައިލާ ތަރައްޤީގެ ޕުލޭނަށާއި، ލޭންޑް ޔޫސް ޕުލޭނަށް ރައްޔިތުންގެ ހިޔާލާއި މަޝްވަރާ ހޯދުނެވެ.
Leave a Reply