މިމަހުގެ 13 ވަނަ ދުވަހާއި 17 ވަނަދުވަހު މާއުނގޫދޫ އިން ކޮވިޑް-19 އަށް ފައްސިވި ފަރާތްތަކާއި އެއްތާވި ގިނަބަޔަކު ކަރަންޓީނުކޮށްފިއެވެ.
މިއަދު މާއުނގޫދޫ ކައުންސިލުން ކަރަންޓީނުކޮށްފައިވާ ތަންތަނުގެ މަޢުލޫމާތު އާންމުކޮށް ކޮށްފައިވާ ޢިއުލާނެއްގައި ވާގޮތުން ނޮވެމްބަރ 13 ވަނަ ދުވަހާއި 17 ވަނަ ދުވަހު ފައްސިވި ފަރާތްތަކާއި އެއްތާވުމުގެ ސަބަބުން ޖުމްލަ 21 ގެއެއްގައި 38 ފަރާތެއް ވަނީ ކަރަންޓީނުކޮށްފައެވެ.
17 ނޮވެންބަރ 2021 ގައި ނެގުނު ސާންޕަލުތަކުން ޕޮޒިޓިވްވި ދެ ފަރާތާއި 13 ނޮވެމްބަރ 2021 ގައި ނެގުނު ސާންޕަލުން ޕޮޒިޓިވްވި ފަރާތާއި އެއްވެސް ގުޅުމެއް ނުވާކަން މާއުނގޫދޫ ޞިއްޙީ މަރުކަޒުންވަނީ ފާހަގަކޮށްފައެވެ.
އަދި މިކޭސް ތަކާއިގުޅިގެން ބަލި ފެތުރުމުގެ ފުރުސަތު އޮތްކަމަށް ފެންނާތީ އެންމެހާ ރައްޔިތުން އެކަމަށް ސަމާލުވެ، ބަލީގެ އެއްވެސް އަލާމާތެއް ހުރިނަމަ ލަސްނުކުރައްވާ ޑޮކްޓަށް ދައްކަވާ ސާންޕަލް ދެއްވުމަށާއި ސާންޕަލްގެ ނަތީޖާލިބެންދެން އެކަހެރިވެ ތިއްބެވުމަށް މާއުނގޫދޫ ޞިއްޙީމަރުކަޒުން އިލްތިމާސް ކުރައްވައެވެ.
މީގެ ކުރިން ސެޕްޓެމްބަރ 24 ވަނަ ދުވަހުވެސް މާއުނގޫދޫއިން މީހަކު ފައްސިވެ އެ ފަރާތާއި އެއްތަންވި އިތުރު ދެމީހުން ފައްސިވެ ރަށް 19 ދުވަހަށް މޮނިޓަރިންއަށްވެސް ލާފައެވެ.
އެޑްމިން