މާއުނގޫދޫ ސުކޫލްގެ އިންޓަރ ހައުސް ޤުރުއާން މުބާރާތް1443 މާދަމާ ފެށުމަށް ތައްޔާރުވެއްޖެއެވެ.މިމުބާރާތަކީމާއުނގޫދޫ ސުކޫލްގެ ދަރިވަރުންގެ ހިތްތަކުގައި ކީރިތި ޤުރުއާނަށް ލޯބިޖެއްސުމަށާއި ތަޖުވީދުމަގަށް ރީތިކޮށް ޤުރުއާން ކިޔަވާ ދަރިވަރުންތަކެއް އުފެއްދުމުގެ މަގުސަދުގައި ކޮންމެ އަހަރަކުވެސް ބާއްވަމުންއަންނަ މުބާރާތެކެވެ.
މިއަހަރުގެ މުބާރާތަކީ އެއްއަހަރުގެ މެދުކެނޑުމަކަށް ފަހު ބޭއްވޭ މުބާރާތެކެވެ. ކޮވިޑް19 ގެ ބަލިމަޑުކަމުގެ ސަބަބުން ސުކޫލްތަކުގެ ކިޔެވުން ބަންދުކުރުމާއި އިތުރުހަރަކާތްތައް ކުރިއަށް ގެންދިއުން މެދުކަނޑާލުމުން މިދިއަހަރުގެ މުބާރާތްވަނީ ބޭއްވޭގޮތް ނުވެފައެވެ. މިއަހަރުގެ މުބާރާތުގައި މާއުނގޫދޫ ސުކޫލްގެ ހަތަރު ހައުސް އިން ޖުމްލަ 127 ދަރިވަރުން ބައިވެރިވެފައިވާކަމަށް މައުލޫމާތު ލިބެއެވެ. އެއީ ހިތުން ކިޔެވުމުގެ ގޮފީގައި 71 ދަރިވަރަކު އަދި ބަލައިގެން ކިޔެވުމުގެ ގޮފީގައި 51 ދަރިވަރެކެވެ.
މިމުބާރާތުގެ ކިޔެވުން ކުރިއަށްދާނީ މާއުނގޫދޫ ސުކޫލްގެ ހޯލްގައެވެ. މުބާރާތް ފެށުމަށް ހަމަޖެހިފައިވަނީ މާދަމާ ހެނދުނު 8:00 ގައެވެ. މުބާރާތުގެ ކިޔެވުމުގެ ދަންފަޅިތައް ބެހިފައިވާ ގޮތަކީ .
ހުކުރު ދުވަހު: ހެނދުނު 8.00 އިން 10.30 އަށް
ހުކުރު ދުވަހު:މެންދުރުފަސް.14.00 އިން 17.00އަށް
ހޮނިހިރު ދުވަހު ހެނދުނު.8.00 އިން 10.30
ހޮނިހިރު ދުވަހު މެންދުރުފަސް. 13.00 ން 17.00 އަށެވެ.
Leave a Reply