މާއުނގޫދޫ ސުކޫލްގައި އެޅުމަށް ހަމަޖެހިފައިވާ މަލްޓި ޕާޕަސް ހޯލް އިމާރާތް ކުރުމުގެ މަސައްކަތް ފެށުމުގެ ތައްޔާރީތައް ވާން ފަށައިފިއެވެ.
އެގޮތުން އެމަސައްކަތް ހަވާލުވެފައިވާ އަފާމީ މޯލްޑިވްސް އިންވަނީ ސައިޓަށް މޮބިލައިޒްވެ އިމާރާތް ކުރުމަށް ހަމަޖެހިފައިވާ ސައިޓްގެ ފެންސު ޖަހަން ފަށާފައެވެ. މަސައްކަތައް ކުރުމަށް މަސައްކަތު މީހުންގެ ގޮތުގައި 8 މީހަކު މިދިއަ ބުރާސްފަތި ދުވަހު ވަނީ ރަށަށް އައިސްފައެވެ.
އަފާމީ މޯލްޑިވްސް އާއެކު މިމަސައްކަތް ކުރުމަށް އެގްރިމެންޓްގައި ސޮއިކޮށްފައިވަނީ 16 ސެޕްޓެމްބަރ 2021 ވަނަ ދުވަހުއެވެ. މިމަސައްކަތް އަފާމީ އާއި ހަވާލުކުރެވިފައިވަނީ 365 ދުވަހުގެރޭ ނިންމާގޮތަށެވެ.
މި މަސައްކަތަކީ އެމް.ޑީ.ޕީ ސަރުކާރުން މި ފަސް އަހަރު ދުވަހުގެ ތެރޭގައި މާއުނގޫދޫ ހިންގުމަށް ވަޢުދު ވެފައިވާ ޕުރޮޖެކްޓެވެ. މި މަސައްކަތައް ދައުލަތުގެ ބަޖެޓުން 9.8 މިލިއަން ރުފިޔާ ހަރަދު ކުރުމަށް ނިންމާފައި ވެއެވެ.
Leave a Reply