މާއުނގޫދޫގައި ޤާއިމްކުރަމުންދާ ފެނާއި ނަރުދަމާ ނިޒާމްގެ ހޮޅިވަޅުލުމުގެ މަސައްކަތް މިއަދު (02 އޮކްޓޯބަރ 2021 ) ވަނަދުވަހު މެންދުރުފަހު 1:45 ގައި ފެށިއްޖެއެވެ.
ހޮޅިވަޅުލުމުގެ މަސައްކަތް ފެށުމުގެ ގޮތުން އެންމެ ފުރަތަމަ ކޮންނަންފަށާފައިވަނީ ބޮޑުމަގާއި ނިރޮޅުމަގު ގުޅުނު ކަންމަތިންނެވެ. ކޮންނަމުންދަނީ ނިރޮޅުމަގުން އިރުމައްޗާއި ވީކޮޅަށެވެ.
ހޮޅިވަޅުލުމުގެ މަަސައްކަތައް ބޭނުންވާ ސާމާނު މާއުނގޫދޫއަށް ގެނެވިފައިވަނީ މިދިއަ ބުރާސްފަތި ދުވަހުގެ ހަވީރުގެ ވަގުތެއްގައެވެ.
ފެނާއިނަރުދަމާ ޙިދުމަތުގެ ފެސިލިޓީ އިމާރާތުގެ ބޮޑުބައެއް މިހާރު ވަނީނިމިފައެވެ. މި މަޝްރޫޢަކީ ސަރުކާރު ބަޖެޓުން 35 މިލިއަނަށްވުރެ ގިނަ ރުފިޔާ ހަރަދުކޮށްގެން ކުރިއަށްގެންދާ މަޝްރޫޢެކެވެ. 2019 ވަނަ އަހަރު ފެށި މިމަސައްކަތް ހަވާލުކޮށްފައިވަނީ ސުޓެޓިކް ކޮންޕެނީއާއެވެ.
މާއުނގޫދޫ ގައި ފެނާއި ނަރުދަމާ ނިޒާމް ގާއިމްކުރުމަކީ ރާއްޖޭގެ ރައީސުލްޖުމްހޫރިއްޔާގެ ރިޔާސީ ވަޢުދުތަކުގެ ތެރޭގައި ހިމެނިގެން ކުރަމުން އަންނަ މަސައްކަތެކެވެ. މިއީ މިރަށުގައި މިހާތަނަށް ހިންގޭ ތަރައްޤީގެ އެންމެ ބޮޑު އެއް ޕުރޮޖެކްޓެވެ.
Leave a Reply