މާއުނގޫދޫ އިން 4 ގަޑި އިރެއްހާއިރު ކަރަންޓުގެ ޙިދުމަތް މެދުކެނޑިފައި ހުރުމަށްފަހު އަލުން ކަރަންޓުގެ ޙިދުމަތް ދޭންފަށައިފި.
މިއަދު ހަވީރު 15:30 ގައި ކަރަންޓުގެ ޙިދުމަތް މެދުކަނޑާލާފައިވަނީ އިންޖީނުގެ އަވަރލީ މެއިންޓަނަންސް މަސައްކަތެއް ކުރުމަށްޓަކައެވެ. ކުރިން މަސައްކަތްނިންމާ 17:00 ގައި އަލުން ކަރަންޓު ދިނުމަށް ރޭވިފައި ވީނަމަވެސް ދިމާވި ކުއްލި މައްސަލައަކާ ގުޅިގެން މަސައްކަތް ނުނިމި ދިގުލައިގެން ގޮސް މަސައްކަތް ނިންމާ ކަރަންޓު ދެވުފައިވަނީ ރޭގަނޑު 19:15 ހާއިރުއެވެ.
މިހާރު މާއުނގޫދޫގައި ކަރަންޓުގެ ޙިދުމަތް ދިނުމުގައި ބޭނުން ކުރެވެމުންދަނީ 400 ކިލޯވޯޓްގެ ޖެނަރޭޓަރެއް އެކަންޏެވެ. 168 ކިލޯވޯޓްގެ ޖެނަރޭޓަރުގެވެސް މައްސަލައެއް ދިމާވެ ވަނީ ހަލާކުވެފައެވެ. ދެން ހުރީ 128 ކިލޯވޯޓްގެ ޖެނަރޭޓަރެކެވެ. އޭގެން ރަށުގެ ލޯޑެއް ނުހިފެހެއްޓެއެވެ.
ފެނަކަ ކޯޕަރޭޝަންގެ މެނޭޖިންގ ޑިރެކްޓަރު މިދިޔަ މަހު މާއުނގޫދޫ އަށް ކުރެއްވި ދަތުރުފުޅުގައި ވަރަށް އަވަހަށް އާ ޖެންސެޓެއް ގެނެވި މިހާރު ކަރަންޓަށް ދިމާވެފައިވާ މައްސަލަ ޙައްލު ކުރެވިގެންދާނެކަމަށް ވަނީ ވިދާޅުވެފައެވެ. ނަމަވެސް އެކަމުގެ އެއްވެސް އިޝާރާތެއް އަދި ނުފެނެއެވެ.
އެޑްމިން