މާއުނގޫދޫ ކައުންސިލުން ކުރިއަށްގެންދާ ބޭބީނާސަރީ އަދި ނާސަރީ ކުލާސްތައް މިއަދު ފަށައިފިއެވެ.
މިއަދު 3:00 ގައި މިކުލާސްތައް ފެށިގެންދިޔައީ އެކަމަށްޓަކައި ބޭއްވުނު ރަސްމިއްޔާތަކުންނެވެ. ދަރިވަރުންނަށް މަރުޙަބާ ކިޔުމުގެ ގޮތުން ބޭއްވުނު ރަސްމިއްޔާތުގައި ކައުންސިލް ރައީސްއާއި މެންބަރުން އަދި ކައުންސިލްގެ މުވައްޒަފުން ބައިވެރިވިއެވެ.
މިޚިދުމަތުގެދަށުން ދަރިވަރުންގެ ފޮތްބަޔާއި ޔުނީފޯމް އަދި ކިޔެވުމާ ގުޅޭ ހުރިހާ ތަކެތިހިލޭ ދަރިވަރުންނަށް ފޯރުކޮށްދެވޭނެ. އަދި ދަރިވަރުންގެ އަތުން އެއްވެސް ފީއެއް ނެގުމަކާއި ނުލާ އިދާރީ ޚަރަދުތައް ހަމަޖައްސައިދެވޭނެކަމަށް މާއުނގޫދޫ ކައުންސިލުން ހާމަކުރައްވައެެވެ.
ބޭބީނާސަރީއާއި، ނާސަރީ ހިލޭކުރުމަކީ މިދިއަ ކައުންސިލް އިންތިޙާބުގައި އެމް.ޑީ.ޕީގެ ޓިކެޓްގައި ވާދަކުރެއްވި ކޭޑިޑޭޓުންގެ މެނިފެސްޓޯގައި ހިމަނިފައިވާ ވަޢުދެކެވެ. މާއުނގޫދޫ ކައުންސިލަކީ އެމް.ޑީ.ޕީ މެޖޯރިޓީ ކައުންސިލެކެވެ. މީގެ ކުރީގައިވެސް މާއުނގޫދޫގައި ނާސަރީއާއި ބޭބީނާސަރީގެ ޙިދުމަތް ދެމުންގޮސްފައިވެއެވެ. ނަމަވެސް އޭރު އެކަން ކުރަމުން ގޮސްފައިވަނީ ކުދިންގެ އަތުން ފީނަގައިގެންނެވެ.
އެޑްމިން