މާއުނގޫދޫ އަންހެނުންގެ ތަރައްޤީއަށް މަސައްކަތްކުރާ ކޮމެޓީން ނަމާދުކުރަން ދަސްކޮށްދޭ ޕުރަގުރާމެއް ކުރިއަށް ގެންދިއުމަށް ނިންމައިފިއެވެ.
މިޕުރަގުރާމް ހިންގުމަށް ހަމަޖެހިފައިވަނީ އުމުރުން 8 އަހަރުން މަތީގެ ދެޖިންސުގެ ފަރާތްތަކަށެވެ. މިޕުރަގުރާމް ކުރިއަށް ގެންދިއުމަށް ހަމަޖެހިފައިވަނީ މާއުނގޫދޫގެ މިސްކިތްތަކުގެ އިމާމުންގެ އެހީތެރިކަމާއެކު މާއުނގޫދޫގެ މިސްކިތްތަކުގައި ކަމަށް މައުލޫމާތުލިބެއެވެ. މިޕުރަގުރާމުގައި ނަމާދުގައި ހެދޭ ގޯސްތަކާއި އެކަންކަން އިސްލާހުކުރާނެ ގޮތުގެ މަޢުލޫމާތާއި ސުންނަތާއި އެއްގޮތަށް ރަނގަޅަށް ނަމާދު ކުރާނެގޮތް ދަސްކޮށްދެވިގެން ދާނެކަމަށް މައުލޫމާތު ލިބެއެވެ.
މިޕުރަގުރާމްގައި ބައިވެރިވެލައްވަން ބޭނުންފުޅުވާ ފަރާތްތަކަށް އޯގަސްޓް 19 ވަނަ ދުވަހާއި ހަމައަށް ފުރުޞަތުވަނީ ހުޅުވާލެވިފައެވެ. ބައިވެރިވުމަށްޓަކައި އެކަމަށްޓަކައި ޙާއްޞަ ކުރެވިފައިވާ ފޯމް ފުރުއްވުމަށްފަހު 19 އޯގަސްޓް 2021 ވަނަ ދުވަހުގެ 14:00 ގެ ކުރިން މާއުނގޫދޫ ކައުންސިލަށް ފޯމު ހުށަހެޅުމުގެ ފުރުޞަތު މިހާރުވަނީ ހުޅުވާލެވިފައެވެ. ފޯމް ލިބެންހުންނާނީ މާއުނގޫދޫ ކައުންސިލްގެ އިދާރާއިންނެވެ.
އެޑްމިން