މިއަހަރުގެ އަޟްހާ ޢީދާއި ގުޅުވައިގެން ފޯރިގަދަ ވޮލީމެޗެއް މިއަދު ހަވީރުކުޅެފިއެވެ. މިމެޗުގައި ބައްދަލުކުރީ ކަނޑުމަތި ޓީމާއި އެއްގަމު ޓީމެވެ. ފޯރިގަދަ ކުޅުމެއް ފެނިގެންތިޔަ މި މެޗް4 ސެޓް1 ސެޓުން ކާމިޔާބުކުރީ ކަނޑުމަތި ޓީމެވެ. ކަނޑުމަތި ޓީމްގައި ހިމެނެނީ މާއުނގޫދޫގެ ދޯނިތަކުން މަހަށްދާ ފަރާތްތަކެވެ. އެއްގަމު ޓީމްގައި ހިމެނެނީ ރަށުގައި ޤާއިމްވެތިބި ފަރާތްތަކެވެ.
ނުވަދިހައިގެ ކުރީކޮޅު މާއުނގޫދޫގެ ނަން އެންމެ ބޮޑަށް ރާއްޖޭގައި މަސްހޫރުވެފައިވަނީ ވޮލީ ބޯޅަ ކުޅުމަށް ނަންވިދާލި ޒުވާނުންތަކަކާއި އެކު ވޮލީ ބޯޅަ ކުރިއެރުވުމަށް މަރުދިން ރައްޔިތުންތަކެއް ދިރި އުޅުނު ރަށެއްގެ ގޮތުގައެވެ. ޒަމާންތަކަކަށްފަހު އަނެއްކާވެސް ވޮލީގެ ފޯރި މިވަނީ ވަރަށްބޮޑަށް ގަދަވެގެންގޮސްފައެވެ. ވޮލީގެ ފޯރި މިހާރު ހުރިގޮތުން ފޯރިގަދަ މުބާރާތްތައް ކައިރި މުސްތަޤުބަލެއްގައި ފެނިގެންދާނެކަމަށް އުންމީދުކުރެވެއެވެ.
އެޑްމިން