2021 އަދި 2022 ވަނަ އަހަރަށް މާއުނގޫދޫ ސުކޫލްގެ އިސްވާރުންނަށް މަޤާމް ހަވާލުކުރުމުގެ ރަސްމިއްޔާތު މިރޭ ބާއްވައިފި އެވެ.
މިރޭ 8:45 ގައި ފެށުނު ރަސްމިއްޔާތު ޝަރަފުވެރި ކޮށްދެއްވީ މާއުނގޫދޫ ކައުންސިލްގެ ރައީސް އާދަމް ސަލީމް އެވެ. މި ރަސްމިއްޔާތުގައި މާއުނގޫދޫ ސުކޫލްގެ ޕީ.ޓީ.އޭ ، ޕުރިފެކްޓް ބޯޑް، ކުލަބްތައް އަދި ހައުސްތައް ވަނީ އިފްތިތާހު ކޮށްފައެވެ. މީގެ އިތުރުން ސުކޫލްގެ އިތުރު ހަރަކާތްތަކުގެ ހިންގާ ކޮމެޓީގެ މެންބަރުންނާއި ހައުސްތަކުގެ މާސްޓަރުންނާއި ޕުރިފެކްޓް އިންޗާޖަށް ވަނީ މަސްޢޫލިއްޔަތު ހަވާލުކޮށްފައެވެ.
މި ފަރާތްތަކަށް ލިޔުމާއި ޝޭސް ހަވާލުކޮށް ދެއްވީ މާއުނގޫދޫ ކައުންސިލްގެ ރައީސް އާއި ނައިބް ރައީސް އަދި ކައުންސިލް މެންބަރުންނާއި ސުކޫލްގެ ޕުރިންސިޕަލް އެވެ.
2021 އަދި 2022 ވަނަ އަހަރުގެ ޕީ. ޓީ. އޭ ގެ ނައިބްރައީސާއަކަށް ހޮވިފައިވަނީ ފާތިމަތު މުޙައްމަދު /ވައިލެޓްމާގެ އެވެ. ސުކޫލްގެ ވައިސް ކެޕްޓަނުންގެ ގޮތުގައި ހޮވިފައިވަނީ ގުރޭޑް 10 ގެ ދަރިވަރުން ކަމުގައިވާ އަލްހާން އައްބާސް އަދި ޢާއިޝަތު އަމާނީ އެވެ. ސުކޫލް ކެޕްޓަނަކަށް ހޮވިފައިވަނީ ގުރޭޑް 10 ގެ ދަރިވަރު މުޙައްމަދު އައްފާނު އެވެ.
މި ރަސްމިއްޔާތުގެ ޝަރަފުވެރި މެހެމާންގެ ވާހަކަފުޅުގައި ދަރިވަރުންނަށް ހަވާލުކުރެވިގެންދިޔަ މަސްޢޫލިއްޔަތު ތައް އެންމެ ފުރިހަމަ ގޮތުގައި އަދާ ކުރުމަށާއި އެހެން ކުދިންނަށް ނަމޫނާ ކުދިބަޔަކަށް ވުމަށާއި ކިޔެވުމަށް ހިތްވަރާއެކު މަސައްކަތް ކޮށް ރަނގަޅު ނަތީޖާއެއް ހޯދުމަށް ގަދައަޅައި މަސައްކަތް ކުރުމަށް ދަރިވަރުންގެ ކިބައިން ވަނީ އެދިފައެވެ.
Leave a Reply