މާއުނގޫދޫ ޞިއްޙީ މަރުކަޒުގެ މުވައްޒަފުންގެ ނަމުގައި އޮޅުވާލައިގެން ފައިސާ ހޯދަން ގުޅަމުންދާތީ އެކަމަށް ސަމާލުވުމަށް އެ މަރުކަޒުން އެދެފި އެވެ.
އެ މަރުކަޒުން މިއަދު ވައިބާރ ކޮމިއުނިޓީ ގުރޫޕްގައި އާންމުކުރި މެސެޖެއްގައި ވަނީ މަރުކަޒު މުވައްޒަފުންގެ ނަމުގަ އޮޅުވާލައިގެން ލާރި ހޯދަން ކުރާ ފޯނު ކޯލްތައް ބައެއް މުވައްޒަފުންނަށާއި އާމުންނަށް ކުރަމުންދާކަމުގެ ޝަކުވާ އެމަރުކަޒަށް ލިބިފައިވާކަމަށާއި އެކަމަށް ސަމާލުވުމަށެވެ.
ފަހަކަށް އައިސް ތަފާތު އެކި ތަންތަނުގެ ނަމުގައި މީސްމީހުންނަށް ގުޅައި، އޮޅުވާލައިގެން ފައިސާ ހޯދުމާއި ރީލޯޑްކުރުން ފަދަ މައްސަލަތަށް ވަނީ ވަރަށް ބޮޑަށް އިތުރުވެފަ އެވެ. އެގޮތުން، ބީމްއެލްގެ ނަމުގައި ގުޅައިގެން ބޭންކް ކާޑުގެ މައުލޫމާތު ހޯދައި ގިނަ އަދަދެއްގެ ފައިސާ ފޭރިފައިވެއެވެ. އަދި އެކި ޕުރޮމޯޝަންތަކާއި، ޓުރޭޑް ކޮށްދޭނެކަމަށް ބުނެވެސް ފައިސާ ފޭރުން ވަނީ ވަރަށް ބޮޑަށް އިތުރު ވެފައެވެ.
އެޑްމިން