ށ. މާއުނގޫދޫ ގައި އާބަނދަރެއް ހެދުމުގެ މަސައްކަތް މިއަހަރު ފެށިގެންދާނެކަމަށް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙު ވިދާޅުވެއްޖެ
މާއުނގޫދޫ އަށް ކުރެއްވި ރަސްމީ ދަތުރުފުޅުގައި މާއުނގޫދޫ ކައުންސިލާއިއެކު ކުރިއަށްގެންދެވި ބައްދަލުވުމުގައި ރައީސް ވިދާޅުވެފައިވަނީ މާއުނގޫދޫގެ ބަނދަރުގެ ހާލަތު ރަނގަޅު ކުރުމަށްޓަކައި އާބަނދަރެއް ހެދުމަށް މިހާރު ބަޖެޓް ކުރެވިފައިވާ ކަމަށާއި މިއަހަރު ނިމުމުގެ ކުރިން ބަނދަރުގެ މަސައްކަތް ފެށިގެންދާނެކަމަށެވެ.
ބަނދަރުގެ މަސައްކަތް ކުރިއަށްދާއިރު އެ މަސައްކަތާއި އެކު މޫދަށް އެރޭނެ ސަރަހައްދަކާއިއެކު ތަރައްޤީކުރެއްވުމަށް ޕުލޭނުކުރައްވާނެކަމަށްވެސް ވިދާޅުވިއެވެ. އަދި މާއުނގޫދޫ އަށް ދިމާވެފައިވާ ރައްގިރުމުގެ މައްސަލައަށް ޙައްލު ހޯދުމުގެ މަސައްކަތްވެސް ބަނދަރުގެ ޕުރޮޖެކްޓާއެކު ކުރިއަށް ގެންދިއުމަށް މަސައްކަތް ކުރައްވާނެކަމަށް ވިދާޅުވިއެވެ.
މިހާރު މާއުނގޫދޫގައި ކުރިއަށްދާ ތަރައްޤީގެ މަސައްކަތްތައް މިހާރަށްވުރެ ހަލުވިކަމާއެކު ކުރިއަށް ގެންދެވޭނެ ގޮތްތައް ރާއްވަވާނެކަމަށާއި އެ މަސައްކަތްތައް ދައުރު ނިމުމުގެ ކުރިން ނިންމަވާނެކަމުގެ ޔަޤީންކަންވެސް ވަނީދެއްވާފައެވެ.
މިހާރު މާއުނގޫދޫގައި ކުރިއަށްދާ ޕުރޮޖެކްޓުތަކަކީ ފެނާ ނަރުދަމާގެ މަސައްކަތާއި ފެނަކަ އާ އިންޖީނުގެ އެޅުމުގެ މަސައްކަތެވެ.
ރައީސް އިބްރާހިމް މުޙައްމަދު ޞާލިޙު ރިޔާސީ ވަޢުދެއްކަމުގައިވާ މާއުނގޫދޫގައި އޭ.ޓީ.އެމް އެއް ޤާއިމުކުރުމުގެ ވަޢުދުވަނީ މިހާރު ފުއްދަވައިދެއްވާ އެކަން މާއުނގޫދޫގެ ރައްޔިތުންނަށް ކުލަކޮށްދެއްވާފައެވެ.
އެޑްމިން