އިޖްތިމާޢީ ސަރަހައްދު ސާފުކޮށް ބެލެހެއްޓުމަށް ކައުންސިލަށް މުވައްޒަފުން ހޯދުމަށް ޢިއުލާނު ކޮށްފި އެވެ.
މިއަދު މާއުނގޫދޫ ކައުންސިލުން އިޢުލާން ކޮށްފައިވަނީ އިޖްތިމާޢީ ސަރަހައްދު ސާފު ކުރާނެ 8 އަންހެން މުވައްޒަފުން އަދި ސުޕަވައިޒަރަކު ހޯދުމަށެވެ. މިހުރީ މުވައްޒަފުންނަކީވެސް 1 އަހަރު ދުވަހުގެ މުއްދަތަށް ކޮންޓުރެކް އުސޫލުން ނޭގޭ މުވައްޒަފުންނެވެ.
އިޖްތިމާޢީ ސަރަހައްދު ސާފުކޮށް ބެލެހެއްޓުމަށް ނަގާ މުވައްޒަފުންނަށް މުސާރައިގެ ގޮތުގައި މަހަކު 1000 ރުފިޔާ އަދި މަސައްކަތު ނުކުންނަ ކޮންމެ ދުވަހަކު 30 ރުފިޔާ އަދި މަސައްކަތާއި ގުޅުންހުރި ސާމާނު ހޯދުމަށް މަހަކު 100 ދެވޭނެ ކަމަށެވެ.
މިވަޒީފާތަކަށް ހޮވޭ ފަރާތްތަކުގެ މަސްއޫލިއްޔަތަކީ އިޖްތިމާޢީ ސަރަހައްދު ސާފުކޮށް ބެލެހެއްޓުމާއި، ކައުންސިލުން އެކި ކަންކަމާއި ގުޅިގެން ސާފުކުރަންޖެހޭ ތަންތަން ސާފުކުރުމާއި ކައުންސިލުން ރާވާ ހިންގާ ކަންކަމުގައި ކައުންސިލުން އެދިއްޖެ ހާލަތެއްގައި އެހީތެރިކަން ފޯރުކޮށްދިނުމެވެ.
މި ވަޒީފާއަށް ޝަރުތު ތަކަކީ ލިޔަންކިޔަން އެނގުމާއި އުމުރުން 18 އަހަރާއި 60 ދެމެދުގެ ފަރާތަކަށް ވުމާއެކު ގިނަވަގުތު މަސައްކަތުގައި އުޅެވޭނެ ހީވާގި ފަރާތަކަށް ވުމެވެ.
މިވަޒީފާތަކަށް ޝައުގުވެރިވާ ފަރާތްތަކުން 13 ސެޕްޓެމްބަރު 2021 ކުރިން ވަޒީފާއަށް އެދޭ ފޯމް ފުރިހަމަ ކުރުމަށްފަހު މާއުނގޫދޫ ކައުންސިލް ހުށައެޅުމަށް ކައުންސިލުން އެދެއެވެ.
![random[0-9] Avatar](https://secure.gravatar.com/avatar/56e38f68a33b63944cda4660c0e123f03f498ec46440b50103212c5b28c41801?s=50&d=mm&r=g){kind=avatar}
Leave a Reply